sábado, 16 de julho de 2011

O ‘Gernika’ xa é libre para navegar por augas do Mediterráneo

O Goberno grego revoga a orde de inmobilización do barco de Rumbo a Gaza

As persoas que permanecían en folga de fame dende luns abandoan este acto de protesta e finaliza a ocupación da Embaixada de España en Grecia

Atenas, 13 de xullo de 2011.-O ‘Gernika’, o barco da campaña Rumbo a Gaza, xa pode navegar libremente por augas do Mediterráneo. Na mañá de hoxe, a Autoridade Portuaria grega certificou todos os permisos da embarcación, permitindo a súa liberdade de movementos. Revócase deste xeito a orde ilegal dictada polo Goberno heleno de inmobilizar a nave.

Tras conocer a nova, as persoas que permanecían en folga de fame –seis na Embaixada de España en Grecia e dúas en Madrid- abandonaron o xexún. Asimesmo, deuse por finalizada a ocupación da legación diplomática.

Ás poucas horas de que se estendese o permiso de navegación, o ‘Gernika’ iniciou manobras no porto de Kolymvari, na illa de Creta, onde permaneceu durante todos estes días vixiado de xeito permanente por patrulleiras do Goberno de Grecia. Dende Rumbo a Gaza trazarase nestes días o itinerario para o retorno da nave ao Estado español.

“Foi unha victoria da sociedade civil fronte ao silencio e a falta de apoio por parte do noso Goberno”, declarou Manuel Tapial, activista de Rumbo a Gaza, dende o ‘Gernika’. “Ao final, as medidas de presión deron os seus froitos e conseguimos, a pesares de Israel, de Grecia e do Goberno de España, que as augas do Mediterráneo volten ser transitábeis para todos”.

Tapial considera que anque a Flotilla da Liberdade non teña podido zarpar,o seu obxectivo principal de pór en primer plano na axenda internacional o bloqueo da Faixa de Gaza e a situación do pobo palestino cumpriuse. “Durante este ano, no Estado español falouse continuamente de Gaza e de Palestina. Conseguimos introducir o problema no debate público”.

Asimesmo, o activista español considera que todo o ocorrido en Grecia durante estes días “desenmascarou as complicidades” dos diferentes actores internacionais coas políticas ilegais de Israel, “dende o Cuarteto –Estados Unidos, Nacións Unidas, Rusia e Unión Europea- até o Goberno de España”.

Manuel Tapial recoñeceu que tanto el como os outros seis activistas de Rumbo a Gaza que permanecen no ‘Gernika’ se encontran “moi cansos” tras semanas de tensa espera facendo fronte “a uns enimigos moi poderosos”.

O seguinte paso é “voltar a casa” co ‘Gernika’, que se converteu “nun auténtico símbolo da paz no Mediterráneo e nun foro de debate para todas aquelas persoas que buscan un mundo libre, xusto e igualitario”.

Fin da folga de fame

Tras coñecerse a nova de que o ‘Gernika’ xa é libre para navegar polo Mediterráneo, abandonouse a folga de fame que mantiñan oito persoas de Rumbo a Gaza –seis na Embaixada de Grecia en España e dúas en Madrid- ao se ter logrado os obxectivos que se buscaban con este acto de protesta.

Asimesmo, tamén se abandonou a legación diplomática española en Atenas, ocupada dende o pasado martes ante o silencio do Goberno de España fronte á ilegal orde grega de inmobilización dos barcos da Segunda Flotilla da Liberdade, cuxo obxectivo era romper e pór fin ao bloqueo ilegal israelí á Faixa de Gaza.

A maior parte da brigada que permaneceu na Embaixada regresará mañá xoves. A chegada á Terminal 2 de Barajas está prevista ás 12 horas.

Elvira Souto, unha das persoas que se mantiña en folga de fame en Atenas, declarou dende la Embaixada que as medidas de presión adoptadas, tanto a ocupación como a Embaixada, supuñeron “un auténtico éxito”, xa que lograron o obxectivo de liberar o ‘Gernika’.

Souto sinalou que é “inconcebíbel” que Rumbo a Gaza se teña visto obrigada a adoptar medidas de presión tan contundentes “simplemente para pedir que se cumpra la lei”. “A nosa petición era algo tan sinxelo como que cumpriera o marco legal do que se dotaron as nacións para se relacionar entre elas; é incríbel que para que se cumpra a lei un grupo de ciudadáns e ciudadás teña que ocupar unha embaixada ou se pór en folga de fame”.

A xuízo da activista de Rumbo a Gaza, o ocorrido estes días coa Segunda Flotilla da Liberdade evidencia que a fractura entre a sociedade civil e a clase política cada vez é maior. “Á vez que a sociedade civil se ten volcado coma nunca para romper o bloqueo, os gobernos da Unión Europea amosábanse máis ríxidos ca nunca para impedir que esta acción se levase a cabo”.

Unha das grandes virtudes da campaña, a xuízo de Souto, ten sido pór en evidencia as complicidades dos gobernos occidentais “coas políticas delictivas” do Estado de Israel”: “Creo que é a primera vez que se evidencia dun xeito tan claro, incluso para xente desinformada ou que non está ao tanto da situación exacta de Palestina”.

Fonte: http://www.bds-galiza.org/
_____________

segunda-feira, 14 de junho de 2010

Culturas de Resistencia acaba de publicar unha hora de material audio-visual do ataque ao buque da Flotilla da Liberdade "Mármara Mavi" que levaba axuda humanitaria á Franxa de Gaza, na Palestina ocupada

Na noite do domingo, 30 de maio, amosando un desprezo pola vida humana, as forzas navais israelís cercan e abordan os buques que navegan para levar axuda humanitaria á bloqueada Franxa de Gaza, na Palestina ocupada. No buque máis grande, o "Mármara Mavi", soldados israelís abren fogo contra os pasaxeiros civís, matando polo menos nove persoas e ferindo outras moitas. Outras persoas aínda están desaparecidas. O número final de mortes aínda non foi determinada. A cineasta Iara Lee integrante de Culturas de Resistencia estaba a bordo do buque, esta xa voltou a casa.

A pesar dos esforzos do goberno israelí para confiscar todas as imaxes collidas durante o ataque, Iara Lee foi capaz de manter ocutas algunhas das súas gravacións de vídeo. Abaixo están os enlaces coa rodaxe editada a partir dos momentos que antecederon e durante o asalto do exército israelí sobre o "Mármara Mavi".

As mentiras do Goberno Sionista do Estado de Israel quedaron ao descuberto.

Nos seguintes enlaces pode-se aceder á imaxen e tamén baixar todos os videos en diferentes formatos e tempos, son máis dunha hora de gavacións.

Under Attack: Mavi Marmara Attacked - Flotilla
http://tc.indymedia.org/files/flotilla-footage/index.html

Israeli Navy Attacks Gaza Freedom Flotilla
http://culturesofresistance.org/gaza-freedom-flotilla

Outros Enlaces de interese:

http://www.freegaza.org/

http://www.freegaza.com/

http://somostodospalestinos.blogspot.com/




____________________

quarta-feira, 2 de junho de 2010

Mobilizacións por todo o mundo contra a impunidade do Estado Sionista de Israel: En Ferrol onte 1 de Xuño varios colectivos concentraron-se en solidariedade coa Palestina e a Flotilla Humanitaria de "Free Gaza"

Despois da última agresión militar israelí contra civís desarmados da "Flotilla da Liberdade", fletada por "Free Gaza" que transportaba toneladas de axuda humanitaria para a Franxa de Gaza, bloqueda polo Estado Israel, e hai pouco máis dun ano vilmente bombardeada, sucederon-se mobilizacións por todo o mundo contra a impunidade do Estado Sionista de Israel e en solidariedade coa Palestina e a Flotilla Humanitaria de "Free Gaza".

Na Galiza houbo onte, nas cidades e vilas, numerosas mobilizacións. En Ferrol onte 1 de Xuño de 2010, varios colectivos concentraron-se en apoio do pobo Palestino e para denunciar o ataque asasino do exercito israelí.

[Para entrar na Galería, clicar acima da foto]

Fonte das Fotos: http://picasaweb.google.es/fucobuxan
______________

Enlaces de interese:

http://www.freegaza.org/

http://www.freegaza.com/

http://somostodospalestinos.blogspot.com/



Por Palestina





____________________

terça-feira, 1 de junho de 2010

Galiza por Palestina convoca o Martes 1 de Xuño, concentracións en toda Galiza, en solidariedade co Pobo Palestino, en denuncia polo ataque asasino do Estado Sionista de Israel, contra a Flotilla de "Free Gaza"


Galiza por Palestina convoca mañán, Martes 1 de xuño de 2010, ás 20:30 horas, en toda Galiza, concentracións de protesta contra o ataque asasino que os sionistas perpetraron contra os barcos que transportaban axuda humanitaria para Gaza.

تنادي مؤسسة غاليسيا من أجل فلسطين بالإحتشاد غدا الموافق الأول من شهر حزيران الساعة 20:30 في كل أنحاء جليقية. ستقام إحتشادات لرفض الهجوم الإجرامي الذي قام به الصهاينة ضد السفن التي كانت تنقل المساعدة إلى غزة .

Abertas a tod@s aqueles que condenen a barbarie israelí e queran esixir medidas contundentes contra os asasinos, as concentracións realizaranse diante da casa do concello de cada vila, salvo naqueles lugares onde exista unha convocatoria unitaria previa. As convocatorias ata o momento son:

سيتم القيام بالإحتشادات أمام بلديات كل قرية في نفس الساعة و نفس اليوم بإستثناء المدن التالية:

A Coruña: No Obelisco. آ كورونيا، أوبيليسكو

Santiago de Compostela: Praza ddo Toural. ٍسانتياغو دي كومبوستيلا : ساحة تورال

Ferrol: Na Praza Amada García, diante do Edificio Administrativo da Xunta de Galicia. فيرول: رئاسة بلدية جليقية، ساحة أمادا غراثيا

Por favor, acudide e difundedeo. Atte.: Galiza por Palestina.
الرجاء الإنضمام و النشر. مؤسسة غاليسيا من أجل فلسطين

ISRAEL CUMPLIU AS SÚAS AMEAZAS:

Soldados do Exército de Israel interceptaron esta madrugada a Flotilla da Liberdade, que pretendía desobedecer o bloqueo sobre a Faixa de Gaza e portaba miles de toneladas de material de corte humanitario, asasinando a varias/os das/os participantes (entre 10 e 60 segundo fontes diversas) e ferindo a outras/os.

A interceptación produciuse a entre unhas 75 e 100 millas da costa do Estado de Israel, en augas internacionais, violando así o Dereito Internacional desde o primeiro minuto.

Segundo o comunicado do Exército, os soldados foron recibidos con fogo real pola Flotilla. Este dato foi desmentido por xornalistas presentes (varias ducias), e resulta certamente inverosímil dado o perfil das/os integrantes da flotilla e o feito de que non haxa mortes máis ca do bando activista.

A estas horas parece que non existe comunicación cos seis barcos, xa tomados polo Exército e que se dirixirían a Ashdod. Nas datas previas os militares afirmaran que as/os participantes da Flotilla serían internadas/os en centros de detención en territorio israelita se non se entregabas, sen resistencia, aos interceptores.

Nas imaxes da interceptación vese cómo varios participantes da Flotilla baten con paos a soldados israelitas que baixan cableados desde helicópteros. Segundo o comunicado do Exército hai dous soldados feridos.
Unha nova onda de mobilizacións está nas rúas.
(Fonte: Moncho Vázquez)

PRÉGASE MÁXIMA DIFUSIÓN

GALIZA POR PALESTINA
_________________

Enlaces de interese:

http://www.freegaza.org/

http://www.freegaza.com/

Por Palestina





___________________________